Шоубиз
Роналдо со емотивна порака за роденденот на Георгина: “Твојата љубов нè исполнува”
Георгина Родригез, партнерката на фудбалската ѕвезда Кристијано Роналдо, вчера го прослави својот 31-ви роденден, а Роналдо и ја изрази својата љубов и благодарност со емотивна порака.
„На мајката, партнерката, пријателката, мојата сопруга… Среќен роденден љубов моја. Твојата светлина нè осветлува, а твојата љубов нè исполнува“, напиша Роналдо на фотографијата која ја споделија од теретаната. Георгина веднаш му одговори со топли зборови: „Те сакам многу и го сакам она што сме, кога сме заедно.“
Двојката се запознала во 2016 година, кога Роналдо влегол во продавницата на Гучи во Мадрид каде што Георгина работела. Таа се присети на моментот: „Се тресев цела кога го видов. Веднаш ми го привлече вниманието. Запали некаква искра во мене.“
