Селена Гомез плаче поради депортацијата на мигрантите од САД: „Го напаѓаат мојот народ“ (ВИДЕО)

Селена Гомез, познатата американска пејачка со мексиканско потекло, се расплака на Инстаграм поради депортацијата на мигрантите од САД. Во својата порака напиша: „Жал ми е. Сите мои луѓе се нападнати, дури и децата“.

Пејачката, која живее во Тексас, проговори за миграцијата на своето семејство и изрази страв за оние кои се во слични ситуации. Според неа, депортацијата на мигрантите е сериозен проблем кој ја плаши нејзината земја.

„Недокументираната имиграција е прашање за кое размислувам секој ден и никогаш не заборавам колку сум среќна што сум родена во оваа земја благодарение на моето семејство. Но, кога читам вести или дискусии за имиграцијата, чувствувам страв за оние во слични ситуации, Се плашам за мојата земја“, рече таа неодамна.

По враќањето на Трамп на власт, САД започнаа масовни депортации. Мексико прифати депортирани мигранти од немексиканско потекло, што предизвика контроверзија.

Селена ја поддржа Камала Харис и сподели цитат од феминистката Одр Лорд, кој гласи: „Не можам да бидам слободен додека која било жена не е слободна“.