Се огласи Карлеуша по семејната драма: „Сè се претвори во циркус“

Пејачката Јелена Карлеуша (43) на Божиќ го пријави сопругот Душко Тошиќ (36) во полиција за семејно насилство. Душко бил приведен во полициска станица и добил 48 часа забрана да и се приближува на пејачката. Јелена не сакаше да оди во станица и да даде изјава, а денеска на социјалните мрежи напиша што мисли за семејната драма.

– Ги замолувам медиумите да престанат да ме малтретираат мене и моето семејство. Сè се претвори во циркус и „лешинарење“ по стариот добар српски обичај. Доста беше за Божиќ – започна пејачката.

– И навистина не е во ред да копате по контејнерот пред куќата! Дали е можно дека го вадите ѓубрето од контејнерот!? Тоа се кутии од новогодишни подароци и остатоци од храна! Не знам што очекувате да најдете – напишала Јелена.

Претходно таа објави фотографија од неа и нејзината покојна мајка Дивна Карлеуша, која неизмерно ја поддржуваше пејачката.