„Не ми се допаѓа“ на Инстаграм – нов чекор кон подобар онлајн простор или уште еден експеримент?

Instagram воведува значајна промена – копче „не ми се допаѓа“ за коментари! Некои корисници веќе имаат пристап до новата функција, која моментално е во фаза на тестирање.

Целта на ова копче е да им овозможи на корисниците да изразат несогласување со одредени коментари и на тој начин да влијаат врз нивното рангирање. Според бројот на „лајкови“ и „не ми се допаѓа“, коментарите ќе бидат позиционирани повисоко или пониско во секцијата за коментари.

Дали некој ќе види кога сте притиснале „не ми се допаѓа“?

Иако ова копче ќе влијае на видливоста на коментарите, Instagram нема да го прикажува бројот на „дислајкови“ и другите корисници нема да можат да видат кога сте го користеле.

„Сакам да бидам јасен – ова е само тест. Бројот на „не ми се допаѓа“ нема да се прикажува, ниту некој ќе знае кога го притискате копчето“, изјави извршниот директор на Instagram, Адам Мосери.

Според него, крајната цел на оваа функција е подобрување на квалитетот на дискусиите на платформата.

„Се надеваме дека ова ќе помогне да се направат коментарите на Инстаграм попријателски“, додаде Мосери.

🔜 Засега нема точен датум кога (или дали) оваа функција ќе стане достапна за сите корисници, но доколку тестирањето биде успешно, наскоро може да стане дел од секојдневното искуство на Instagram.

Што мислите за оваа промена? Дали „не ми се допаѓа“ копчето ќе направи Инстаграм подобро место или ќе создаде нови контроверзии? Споделете го вашето мислење! 💭👇