Намалувањето на телесната тежина може да доведе до ремисија на дијабетот

Храната која ја консумираме има големo влијание врз нашето здравје. Високото ниво на преработка и калоричност на достапната храна може да предизвика многу здравствени проблеми, од кои најзначајната е прекумерната тежина, која може да доведе до дијабетес.

Според научните студии, 80-85% од ризикот за појава на дијабет се должи на прекумерната телесна тежина. Затоа, намалувањето на телесната тежина може значително да ја намали опасноста од овој здравствен проблем.

Доколку намалувањето на телесната тежина е доволно значително, дијабетот тип 2 може да се доведе до ремисија, односно да дојде до враќање на оптимална, здрава функција на инсулинот и одржување на шеќерот во крвта во препорачаните граници. Намалувањето на телесната тежина има многу позитивни ефекти врз здравјето, како што се подобрување на инсулинската сензитивност, подобри резултати при мерењето на тромесечниот шеќер и намалување на притисокот и нивото на холестерол во крвта.

Важно е да го забележиме и значењето на храната која ја консумираме за нашето дневно функционирање. Со намалување на телесната тежина, нивото на енергија ќе се зголеми, ќе се подобри квалитетот на сонот, а ќе бидеме и во подобро расположение. Сето ова може да придонесе кон уште полесно губење на остатокот на вишок килограми, бидејќи и физичката активност и движењето дополнително ќе се олеснат.