Македонските фризери и стилисти ќе собираат пари за помош на Бубе „Ин“

Македонски фризери и стилисти на 18 јуни (недела) ќе се обединат во „Музејот на современата уметност“ со една хумана цел, да соберат средства за лекувањето на македонскиот стилист Љупчо Петрушевски, познатот како Бубе „Ин“.

Настанот под мотото „Мајсторите за мајсторот“ ќе започне во 19 часот и замислен како двочасовно шоу на терасата на музејот, на кој публиката ќе има можност на несекојдневен начин да ужива во најновите трендови за фризури и шминка.

Посетителите ќе лицитираат и за неколку потпишани дресови од машкиот ракометен клуб „Вардар“, а по завршување на настанот предвидена е и хуманитарна забава.

Анастасија Ражнатовиќ ќе биде еден од моделите на фризерското шоу.

Сите собрани средства од овој спектакл ќе бидат наменети за лекувањето на Бубе „Ин“, за кое се потребни 20.000 евра.