Мијата го промовира спотот за песната „Маска“ (ВИДЕО)
Денес официјално излезе видео записот за песната Маска која ја изведува Мијата. Оваа песна стана дел од радискиот етер уште пред еден месец, а сега се здоби и со спот.
Покрај автор на музиката и текстот на песната Маска, Мијата се јавува и како режисер на ова уникатно видео издание.
Мијата неизмерно смело настапува во своите творби како музички /текстуално така и визуелно. На својата фејсбук страница Мијата напиша:
– „Драги мои, повелете уште едно видео издание – овој пат официјалниот спот за песната ~МАСКА~.
Ова е мое самостојно режисерско деби и целиот процес на реализација ме одведе во нови познанства, соработки и искуства.
Бескрајно сум благодарна на сите од тимот што овозможија да се реализира мојата визија. Јас уживав во правењето… Сега задоволството е заедничко.“
Маска е дел од нејзиниот втор албум кој е во најава за оваа година.