Мотото на 35. Меѓународниот Саем на книгата е „Мирисот на нова книга ја најавува пролетта“

Со поддршка од Министерството за култура, најавен е 35-тиот Меѓународен Саем на книгата. Саемот ќе се одржи од 4 до 10 мај во Арена „Борис Трајковски“. Настанот е најголемата манифестација посветена на книгата на национално ниво, со промоција на книжевното творештво, културна размена и иницирање на актуелни литературни и општествени прашања.

Организаторите најавуваат најмалку 50 учесници, вклучувајќи ги и најуспешните македонски издавачки куќи. Се очекуваат илјадници љубители на книгата да го посетат овој настан, на кој секоја година се претставуваат најактуелните наслови од сите континенти во светот.

Саемот е познат и како “фестивал на пишаниот збор” и секоја година е домаќин на најзначајните домашни и бројни странски автори и издавачи, кои ги претставуваат своите најактуелни изданија.