Сања Барбика има „Доказ“ – нов хит во најава кој го потпишуваат најдобрите српски композитори

Пејачката Сања Цинцева – Барбика деновиве во јавноста ја претстави својата нова песна која што го носи името „Доказ“.

Истата е на српски јазик и иако првично било планирано да се сними видео за неа, поради пандемијата со коронавирус, снимањето била приморана да го оддложи, па за рефренот изработила lyric видео.

– „Почитувани пријатели и обожаватели, со вас ја споделувам мојата нова песна „Доказ“. Оваа тема подолг период е готова, но чекав соодветен момент за да направиме добар спот. Поради Ковид ситуацијата не се направи добра прилика за добар спот, па затоа решив во ова лошо време да ја промовирам без видео се со цел да ве расположам и да ви ги отргнам мислите од негативни работи. Уживајте во песната и се надевам дека ќе ви се допадне. Ве сака Сања Барби и не заборавајте да се чувате и пазите, не чекаат одлични настапи и забави после вирусот!“, напиша Сања на социјалните мрежи.

Инаку, оваа тема ја потпишуваат српските композитори Марко Дрежњак и Драган Стрелиќ.