“Среќо моја среќа си ми ти” – нова песна и спот на Јордан Митев снимен во Швајцарија

“Среќо моја среќа си ми ти” е насловена најновата песна на Јордан Митев, зад кој авторски комплетно се потпишува самиот пејач, а спотот кој Митев го работеше со својот долгогодишен пријател и соработник Зати е снимен во Швајцарија.

– До сега во Македонија имам снимено околу 30тина видео записи на речиси сите значајни локации, познати и не толку познати за пошироката јавност, па затоа од време на време чувстувам потреба за некоја моја песна да снимам спот и надвор од Македонија. Ова ми е 5ти видео спот снимен надвор од Македонија, вели Митев.

Новата песна на Митев е со малку помодерен израз, а во неа се пее за една среќна љубов.

– Токму затоа сметав дека Швајцарија како една од најживописните и најчисти земји во светот убаво ќе се вклопи во целата приказна. Видеото го снимав во објект на Тунското езеро во градот Тун, кој порано бил и приватен замок, па целиот тој амбиент одлично се вклопи во целата приказна. Додека престојувавме таму времето беше дождливо и облачно, но со мојот тим успеавме да извадиме една прилично добра фотографија за тие временски услови. Верувам дека публиката ќе ужива во најновиот мој проект, додава на крај Митев.