Oasis се враќа на музичката сцена, бендот ги објави првите датуми на турнејата

Oasis се враќа на музичката сцена. Познатиот британски бенд потврди дека повторно ќе се обединат и ќе започнат турнеја, која вклучува 14 концерти во Велика Британија и Ирска во текот на следната година.

Иако претходно се шпекулираше дека тие ќе го предводат фестивалот Гластонбери и ќе одржат 10 концерти на стадионите Вембли и Етихад, тоа нема да се случи, пишува Гардијан.

Наместо тоа, настапите на браќата Галагер ќе бидат организирани во јули и август на стадионите во Кардиф, Лондон, Манчестер, Единбург и Даблин. Продажбата на билетите ќе започне на 31 август во 9 часот, а цените ќе бидат објавени истиот ден.

View this post on Instagram

A post shared by Oasis (@oasis)

Тие планираат концерти и во други европски градови подоцна следната година. „Немаше некој голем момент што доведе до повторно обединување. Тие едноставно со текот на времето сфатија дека сега е вистинскиот момент“, се наведува во соопштението за печатот.