Џими Кимел се шегуваше за „шамарот“ и го претстави „кризниот тим“ од актери во монологот за Оскарите

Водителот на овогодинешното доделување на Оскарите, Џими Кимел (55), традиционално на почетокот на церемонијата имаше уводен говор. Во комичниот монолог, тој спомна неколку познати личности, а особено се осврна на инцидентот меѓу Вил Смит (54) и Крис Рок (58) на Оскарите во 2022 година.

На почетокот на церемонијата Кимел се појави како пилот во филмот „Top Gun“. Се разбира, во монтажа.

Џими се шегуваше за многу актери и режисери, меѓу кои и Стивен Спилберг. Тој рече дека Холивуд останува без нови идеи, бидејќи постојано се снимаат продолжениja, па Стивен Спилберг морал да сними филм за себе. Тој го коментираше и телото на Том Круз, кој не присуствуваше на церемонијата, во филмот „Top Gun: Maverick“. И веднаш го спомна режисерот Џејмс Камерон, кој исто така не пристигна.

Неговата главна тема беа Вил Смит и Крис Рок, кои минатата година физички се пресметаа на сцената.

– Сакаме да се забавувате, да се чувствувате безбедно и што е најважно, јас да се чувствувам безбедно. Затоа имаме строги правила. Доколку некој во театарот изврши какво било насилство за време на доделувањето, ќе му биде доделен Оскар за најдобар актер и ќе му биде дозволено да одржи 19-минутен говор. Но, сериозно, академијата го подготви тимот за кризи. Ако се случи нешто непредвидливо или насилно, правете исто како и претходната година, само седете и не правете ништо. „Можеби дури и да го прегрнете напаѓачот“, започна Џими.

-А ако некој се налути на некоја моја шега и реши да се качи на сцената и да биде насилен… нема да му биде лесно – додаде тој и наброја кој ќе го брани. Тој ги наведе Мајкл Б. Џордан, Мишел Јео, Педро Паскал, Ендру Гарфилд и многу други.

Да потсетиме, за време на минатогодишните Оскари, комичарот Крис Рок се пошегува на сметка на сопругата на Смит, Џејда Смит, по што актерот му удри шлаканица на сцената. Рок ја спомна алопецијата на Џејда, што го налути Вил. Поради инцидентот, Смит не смее да се појави на наградата десет години.