Низ објективот
Емотивна објава на Северина: Навистина нема ништо поубаво од безусловната љубов (ФОТО)
Познатата хрватска пејачка Северина Којиќ, која на 21 април го прослави својот 51-ви роденден, ги изненади своите инстаграм фанови со досега необјавена фотографија на која позира целосно гола и бремена. Фотографијата е направена пред 11 години, кога таа станала мајка и кога почувствувала што значи безусловна љубов.
„Како од мајка сум родена пред педесет и едно лето. Пред нешто повеќе од 11 години и самата станав мајка и почувствував што е безусловна љубов. Нема ништо поубаво на светот од тоа кога вашата прва честитка е мало чудо што ви пораснало под срцето“, напиша Северина во својата објава на социјалната мрежа.
Под оваа емотивна објава се редеа роденденски честитки од нејзините фанови, кои исто така го пофалија нејзиниот изглед и рекоа дека таа не се променила во последните 11 години. Фотографијата беше споделена на инстаграм и доби повеќе од 10,000 прегледи во најкраток временски период.
