Средновековна убавина: Горд е прогласен за најубавото село на светот според Travel + Leisure (ФОТО)

Travel + Leisure го прогласи малото живописно село Горд во Франција за најубаво на светот. Селото со помалку од 2000 жители, кои живеат на врвот на карпа, на надморска височина од 340 метри, привлекува голем број посетители од целиот свет. Горд е средновековно село кое се истакнува со својата безвременска убавина и културно богатство. Селото е честа локација за снимање филмови и ТВ емисии поради својата убавина.

Историјата на Горд датира уште од римското доба, но средновековната архитектура му придонесува на денешниот изглед – тесни улици и премини, средновековен замок од кој се пружа поглед кон долината и камени куќи. Замокот бил изграден во 11-от век, а со текот на годините бил проширен и обновен.

View this post on Instagram

A post shared by kimberley (@bjr_kpic)

Во Горд можат да се најдат и неколку музеи, како „Moulin des Bouillons“, кој ја следи историјата на руралниот живот во Прованс, и „Pol Mara“, кој е посветен на уметникот кој живеел токму во ова село. Љубителите на уметноста можат да посетат и уметнички галерии и занаетчиски работилници, како галеријата на уметницата Јохана Спинела. Во Горд често се одржуваат фестивали и настани, а најпознат е Фестивалот на тартуфите во февруари.

View this post on Instagram

A post shared by @mylene_mai_artiste

Горд е особено познат по производството на керамика, а пазарот кој се одржува секој вторник е одлична можност за посетителите да купат локални производи, ракотворби и сувенири. Горд претставува место каде што посетителите можат да уживаат во убавина, историја, уметност и локални вкусови.