Британски музички награди 2015: Погледнете ја целосната листа на победници

Синоќа се одржаа Британските музички награди, односно шоу кое единствено по што ќе го запаметиме е паѓањето на Мадона и тоа на сцена.

Наградата за најдобар британски соло артист и најдобар албум на годината ја освои Ед Ширан, а Сем Смит се закити со наградите за глобален успех и британско откритие.

Канје Вест ја промовираше новата песна „All Day“ која е исполнета со безброј пцовки. За неговото појавување на сцена заслужна беше Ким Кардашијан, која мораше да направи едно селфи на сцена, заедно со домаќините на шоуто, Ант и Дек.

Шоуто започно со Тејлор Свифт и нејзниот хит „Blank space“, а подоцна ја прими првата британска награда во својот живот, интернационален женски соло артист.

Сепак, доделувањето на наградите го одбележа настапот на Мадона, која падна на сцената.

Во продолжение погледнете ја целосната листа на победници:

Британско видео на годината: One Direction, „You and I”
Британско откритие: Сем Смит
Британски албум: Ед Ширан, Х
Британски женски соло артист: Палома Фејт
Британски машки соло артист: Ед Ширан
Британска група: Royal Blood
Интернационален машки соло артист: Фарел Вилијамс
Интернационален женски соло артист: Тејлор Свифт
Интернационална група: Foo Fighters
Избор на критичарите: Џејмс Беј
Британски продуцент: Пол Епворт
Британска песна: Марк Ронсон и Бруно Марс „Uptown Funk”
Британски глобален успех: Сем Смит