MTV награди: Евровизиските победници повторно ја освоија Европа
Вчеравечер во Будимпешта се одржа овогодинешното доделување на MTV EMA наградите.
Италијанскиот бенд „Måneskin“ повторно однесе победа на значен музички настан. Евровизиските победници ја освоија наградата за „Најдобар европски рок бенд“.
Манескин се најде помеѓу силна конкуренција составена од познатите бендови Coldplay, Foo Fighters, Imagine Dragons, Kings of Leon и The Killers.
Италијанските рокери ја споделија веста за нивната победа на Инстаграм, тие напишаа:
-Најдобар рок бенд! Оваа награда многу ни значи. Благодарност до МТV за сите номинации и што ни дозволи да настапиме на ваква сцена од соништата + бескрајна благодарност до сите што не поддржаа и гласаа, ве сакаме – стои во нивната објава.
Манескин беа номинирани во три категории, но победија само во една. Групата, исто така, беше номинирана за Најдобра група (наградата ја освои јужнокорејскиот бој бенд БТС) и Најдобар италијански изведувач (освоена од поп/рап изведувачот Aka 7even).
Во продолжение погледнете го нивниот фантастичен настап на синоќешното доделување на MTV EMA:
