Капитенот Пандев денеска за последен пат ќе одигра во македонскиот дрес

Македонскиот репрезентативец и капитен Горан Пандев, потврди дека денеска мечот против Холандија ќе биде неговиот последен одигран меч во македонскиот дрес – со што и официјално ќе замине од македонската фудбалска репрезентација.

Пандев со своите 37 години заминува од репрезентацијата со рекордни 121 натпревари и 38 постигнати голови.

– „Мечот со Холандија ќе биде мојот последен во дресот на репрезентацијата. Остваривме нешто што не знаеме кога ќе се повтори и ова е вистински момент да се простам од репрезентацијата. Оваа генерација фудбалери може да ни донесе многу радости и во иднина и верувам во пласман на Светско првенство. Среќен сум што заминувам на големо натпреварување и не може да биде поголемо од меч против Холандија на ‘Јохан Кројф арената’. Сакам да завршам дома во Скопје пред навивачите, но ова е дефинитивно крај и најверојатно ќе ставам крај на клупскиот фудбал. Утре треба да бидеме храбри, да играме отворено како во второто полувреме против Украинците. Холандија е многу моќна, но можеме да ги изненадиме“ – изјави Пандев на прес-конференција во Амстердам.